http://qarluq.com شىركەت خەۋەرلىرى http://news.qarluq.com content.jsp?id=11 قارلۇق شىركىتىنىڭ يۇمشاق دېتال تەتقىقاتچىلار تەجرىبىخانىسى ئىككى يىلدىن ئارتۇق تەييارلىق بىلەن بۇ تەجرىبىخانىنىڭ ئىچكى قۇرۇلمىسى ۋە مۇھىت قۇرۇلىشىنى تاماملاپ ئاكتىپ قوزغىلىش ھالىتىگە كىردى. بۇ ئاكتىپ قوزغىلىش ھالىتىدىكى ئاساسىي فوكۇس كۆلەملەشكەن يۇمشاق دېتال ئىجادىيەت كوللېكتىۋىنى يېتىشتۈرۈش ۋە تەجرىبىخانىنىڭ يادرو ۋە ئاساسىي ئىنژېنېرلار قوشۇنىنى كېڭەيتىشكە قارىتىلىدىكەن.<div><br></div>    قارلۇق شىركىتى 2008-يىلى 9-مارت ئۆتكۈزگەن 《ئالما تەتقىقاتچىلىرى يىغىنى》دا ئامېرىكا ئالما شىركىتىنىڭ تېخنىكا ھەمكارلىغى بىلەن ئالما تەتقىقاتچىلار تەجرىبىخانىسىنىڭ قۇرۇلغانلىقىنى جاكارلىغان ئىدى. شۇ قېتىملىق يىغىندا تەجرىبىخانىنىڭ يەرلىكلەشتۈرۈش، ئاممىباب قوللىنىش يۇمشاق دېتاللىرىنى ئېچىش ۋە رايون ھالقىغان يۇمشاق دېتال تۈرلىرى تەتقىقاتىدىن ئىبارەت ئۈچ باسقۇچلۇق تەتقىقات-تەرەققىيات پىلانى ئوتتۇرغا قويۇلۇپ، تەجرىبىخانىنىڭ فونكىسسىيىسى ئىشقا كىرىشتۈرۈلگەن ۋە بۇ جەرياندا ئالما مەشغۇلات سىستېمىلىرىدىكى ئۇيغۇرچە قوللاش ۋە يەرلىكلەشتۈرۈش خىزمەتلىرى تاماملانغان، 2008-يىلى قارلۇق شىركىتىنىڭ ئەكبەر ئىبراھىم ۋە ئابلەت ئابلا قاتارلىق ئۈچ خادىمى ئالما ئوقۇش مۇكاپاتىغا ئېرىشكەن ئىدى.<div><br></div>    ھازىر تەجرىبىخانىنىڭ تەتقىقات سۇپىسى نىشانى بولغان ئالما كومپيۇتېرىدا ئىجرا بولىدىغان قوللىنىش يۇمشاق دېتاللىرى، سۇپا ھالقىغان تور يۇمشاق دېتاللىرى، يانفون يۇمشاق دېتاللىرى ۋە ئىنتېرەكتىۋ ئويۇن قاتارلىق 3-باسقۇچلۇق خىزمەتلەرنىڭ تەييارلىقلىرى ئىشلەنمەكتە ئىكەن.<div><br></div>    قارلۇق يۇمشاق دېتال تەجرىبىخانىسىنىڭ 2010~2011-يىللىق تەرەققىيات پىلانىغا ئۈچ مىلىيۇن يۈەن مەبلەغ سېلىنىدىغان بولۇپ، %60 مەبلەغ تەجرىبىخانا خادىملىرىنى تەربىيىلەش ۋە مۇكاپاتلاش ئۈچۈن، %40 مەبلەغ تەجرىبىخانا مۇھىتى ۋە ئۈسكۈنىلىرى ئۈچۈن سەرىپ قىلىنىدىكەن.<div><br></div>    يۇمشاق دېتال تەتقىقاتچىلىرى تەربىيىلەش سىنىپى ئوقۇغۇچىلىرى ئىجادىيەت-تەتقىقات-ئۆگىنىش ۋە خىزمەت بىرگەۋدە قىلىنغان يېڭى مائارىپ مۇھىتىدا مۇنتىزىم دەرسلەردىن سىرت ئىچكى تەتقىقات تۈرلىرىگە قاتنىشىپ ئەمەلىي قىممەت يارىتىش ۋە ئەركىن ئىجادىيەت بىلەن شۇغۇللىنىش پۇرسەتلىرىگە ئېرىشەلەيدىكەن.<div><br></div>   ئالما شىركىتىنىڭ خەلقئارا تەتقىقاتچىلار ئالاقىسى بۆلۈمىدىكى خادىملار مۇنداق دەپ قارىدى: بىز بۇ تەجرىبىخانىنىڭ كومپيۇتېر ساھەسىدىكى قابىللار ۋە ھەۋەسكارلارنىڭ ئىلغار تېخنىكىلارنى ئۆگىنىش، ئىقتىدارىنى تېخىمۇ جارى قىلدۇرۇش ئۈچۈن ياخشى سورۇن بولۇپ قالىدىغانلىقىغا ئىشىنىمىز.<div><br></div>    شىنجاڭ قارلۇق مېدىئا پەن-تېخنىكا شىركىتى 2002-يىلى قۇرۇلغان قارلۇق مەدەنىيەت تارقىتىش شىركىتىنىڭ پاي ھەسسىدارلىقى بىلەن 2008-يىلى 9-ئايدا قۇرۇلغان. بۇ شىركەت يۇمشاق دېتال ۋە كومپيۇتېر گرافىكىنى ئاساس، خەلقئارالاشقان مېدىيا بازىرى ئېچىشنى تەرەققىيات يۆنىلىشى قىلغان، ئۆزىگە خاس بىلىم مۈلۈك ھوقۇقى بار يۇمشاق دېتال ۋە بىر قەدەر يۇقۇرى مېدىيا تېخىكىسىغا ئىگە پاي ھەمكارلىق تۈزۈمىدىكى شىركەت. ھازىر شىركەتتە 94 خادىم خىزمەت قىلىدۇ. ئىگىلىنىشچە شىركەت بۇ يىلنىڭ ئاخىرىغىچە شاڭخەيدە 《شاڭخەي قارلۇق شىركىتى》نى قۇرىدىكەن.<div><br></div>    《كومپيۇتېر ۋە تۇرمۇش》 ژورنىلى 2010-يىلى 3-ساندىن ئېلىندى.<div><br></div> 11 Nov 2010 02:20:44 GMT content.jsp?id=7 2010-يىلى 1-ئاينىڭ 16-كۈنىدىن 17-كۈنىگىچە شىنجاڭ قارلۇق مېدىئا پەن-تېخنىكا شىركىتى تۇنجى قېتىملىق 《قارلۇق پەسلى》يىغىنىنى ئىچىپ، شىركەتنىڭ كىشىلەر ئويلاپ باقمىغان يىڭى نەتىجىلىرىنى نامايەن قىلدى. ئىككى كۈنلۈك يىغىنغا كەسىپداشلار، ھەرقايسى ئالى مەكتەپلەرنىڭ ئوقۇغۇچىلىرى ۋە شىركەت خادىملىرىنىڭ يېقىنلىرى بولۇپ جەمئىي 500 دىن ئارتۇق ئادەم قاتناشتى.<div><br></div> 《 قارلۇق پەسلى》 ⎯ قارلۇق شىركىتىنىڭ كەسپى تەرەققىياتى، شىركەت ئىستىقبالى ھەققىدىكى ئۇچۇرلىرىنى تارقىتىپ، كەسىپداشلىرىغا ۋە جەمىئىيەتكە ئۆز ئىقتىدارىنى نامايەن قىلىدىغان مۇھىم پائالىيەت سورۇنى ھېسابلىنىدۇ. ئىگىلىنىشىچە《قارلۇق پەسلى 》يىلدا بىر قىتىم ئۆتكۈزۈلىدىكەن.<div><br></div> 《قارلۇق پەسلى 》يىغىنىدا شىركەتنىڭ ئاساسى خادىملىرى ئۆزى مەسئۇل خىزمەتلەر ۋە تېخنىكا نەتىجىلىرىدىن لېكسىيە بەردى. شىركەتنىڭ تەرەققىيات ئىستىقبالى، ئالدىنقى بىر يىلدىكى بارلىق كومپيۇتېر گرافىكى ۋە يۇمشاق دېتال تەتقىقاتىغا مۇناسىۋەتلىك تېخنىكا تۈرلىرى ۋە خىزمەتلىرى ئومۇميۈزلۈك تۇنۇشتۇرۇلدى، كومپىيوتىر گىرافىك سىنىپىنىڭ ئەھۋالى تونۇشتۇرۇلۇپ سۇئاللارغا جاۋاب بېرىلدى. بېرىلگەن لېكسىيە ئارقىلىق يىغىنغا قاتناشقان كەسىپداشلار ۋە كەسىپ ئىگىلىرى شىركەتنىڭ ئومۇمى ئەھۋالىنى چوڭقۇر ئىگىلىدى، كېيىنكى ھەمكارلىقلارغا قارىتا ئۈمىدۋار بولدى. شىركەتتە ئىشلەۋاتقان خادىملارنىڭ يىقىنلىرى بۇ پائالىيەتكە قاتنىشىش ئارقىلىق دوستى ياكى قېرىندىشى ئىشلەۋاتقان شىركەتنى، خىزمىتىنى چۈشىنىش ئىمكانىيىتىگە ئېرىشتى.<div><br></div> بۇ قېتىملىق "قارلۇق پەسلى" يىغىنى - قارلۇق شىركىتىنىڭ 2007-يىلى 27-ماي ئۆتكۈزگەن《ھەمكارلىق 2007 - كومپيۇتېردا لايىھىلىگۈچىلەر يىغىلىشى》 ۋە 2008-يىلى 9-مارت ئۆتكۈزگەن 《ئالما تەتقىقاتچىلىرى يىغىنى》دىن كېيىنكى يەنە بىر قېتىملىق چوڭ تىپتىكى تېخنىكا تونۇشتۇرۇش پائالىيىتى بولۇپ قالدى.<div><br></div> شىركەتنىڭ باش ئىجرائىيە دېرىكتورى پەخىردىن قارلۇق مۇنداق دېدى:《قارلۇق پەسلى》 كىشىلەرگە رايونىمىزنىڭ كومپيۇتىر ساھەسىگە ئۈمىدۋارلىق ۋە ئىپتىخارلىق تۇيغۇسىدا قارىشىغا تۈرتكە بولىدۇ، بىزنى تېخىمۇ ياخشى بايقاش ۋە چۈشىنىش ئىمكانىيىتىگە ئىگە قىلىدۇ، شۇنداقلا قارلۇقنىڭ ئۈزلۈكسىز كۆلەملىشىۋاتقان گەۋدىسى ئۈچۈن ئېچىلغان ئىچكى تەربىيىلەش سىنىپىغا خادىم قۇبۇل قىلىشىغا شارائىت يارىتىدۇ. 11 Nov 2010 02:18:12 GMT content.jsp?id=6 <div style="text-align: right;">ئەسسالامۇ ئەلەيكۇم، ياخشىمۇسىلەر! تۇنجى قارلۇق پەسلىگە قاتنىشپ بەرگىنىڭلارغا كۆپ رەھمەت. بىز بۇ كۈننىڭ كېلىشىنى ئۇاقتىن بۇيان كۈتۈپ كەلگەن. بۈگۈن چوقۇم كومپيۇتېر ئىشلىرىمىزنىڭ تارىخ بىتىگە يېڭى مەزمۇن قوشۇلىدۇ. بۈگۈن چوقۇم كەلگۈسىدىكى كومپيۇتېر ئىشلىرىمىزنىڭ بۇرۇلۇش نوقتىسى بولۇپ قالىدۇ.</div><div style="text-align: right;"><br></div> 2007-يىلى 27-ماي ئېچىلغان ھەمكارلىق يىغىنى كۆپ تەرەپنىڭ كومپيۇتېر ساھەلىرىدىكى مەھسۇلات، تېخنىكا ئەھۋالى ۋە تونۇشتۇرىشىنى ئاساس قىلغان ھاياجانلىق بىر يىغىن بولغان ئىدى. <div><br></div> قارلۇق پەسلى - "كومپيۇتېردا لايىھىلىگۈچىلەر يىغىلىشى - ھەمكارلىق يىغىنى" بىلەن باراۋەر تۇرىدىغان، مەۋجۈتلىغىمىزنى نامايەن قىلىدىغان ۋە بىزنى ياخشىراق تونۇش ئىمكانىيىتىگە ئىگە قىلىدىغان مەزمۇنلار بىلەن تولغان بىر يىغىن. كېيىن يىلدا بىر ئۆتكۈزۈش پىلانىمىز بار. <div><br></div> بۇ تۇنجى قارلۇق پەسلىنىڭ ئاساسىي فوكۇسى كومپيۇتېر گرافىككە قارىتىلدى . بۈگۈنكى يىغىن كەلگۈسى پىلانلىرىمىز، تېخنىكا ۋە تۈر ئۆلچەملىرىمىزنى، تېخنىكا ھەمكارلىغىدىكى خىزمەت گۇرۇپپىلىرىمىزنىڭ تېخنىكا تونۇشتۇرۇش لېكسىيىلىرىنى، قارلۇقتا ئوقۇش پۈتتۈرۈپ خىزمەت قىلىۋاتقان خادىملىرىمىزنىڭ ئەسەرلىرىنى ئۆز ئىچىگە ئالىدۇ.<div><br></div> 2007-يىلىدىكى ھەمكارلىق يىغىنىدىن كېيىن بىز يەنە ئۈزلۈكسىز چوڭ-كىچىك تېخنىكا يىغىلىشلىرى، پائالىيەتلەر ۋە ئوچۇق دەرسلەرنى ئورۇنلاشتۇرۇپ تۇردۇق. بىز بۇ تېخنىكا پائالىيەتلىرىمىز ۋە يىغىلىشلىرىمىزنىڭ بىزنىڭ كومپيۇتېر ئىشلىرىمىزغا زور پايدىسى بولىدۇ دەپ ئىشىنىمىز. 2008-يىل 9-مارتتا ئۆتكۈزۈلگەن ئالما تەتقىقاتچىلار يىغىنىدىن كېيىن بىز ئاخبارات ۋە جامائەتنىڭ كۆزىدىن بارغانسىرى يىراقلاپ كەتتۇق. <div><br></div> بۇ جەرياندىكى پۈتۈن زېھنىمىزنى قانداق تېزلەشتۈرۈش ئەمەس بەلكى قانداق مۇكەممەللەشتۈرۈشكە قاراتتۇق. ئىچكى قىسمىمىزدىكى ئېكولوگىيىلىك سىستېمىمىزنى بەرپا قىلىش ئۈچۈن ناھايىتى كۆپ ئەجىر قىلدۇق. بۈگۈنكى باشلىنىشتا ئاشۇ سىستېمىمىزنى سىلەرگە تونۇشتۇرۇپ چىقماقچىمىز.<div><br></div> بىز مېدىئا ساھەسىدە كومپيۇتېر گرافىكى ئارقىلىق مۇنتىزىم سىستېما، خىزمەت ئېقىمى ۋە كوللىكتىپنى بەرپا قىلىپ چىقتۇق.<br> تەتقىقاتچىلار تەجرىبىخانىسى ئارقىلىق يۇمشاق دېتال ساھەسى ئۈچۈنمۇ زور تەييارلىق قىلدۇق. ئىشىنىمىزكى يۇمشاق دېتال ساھەسىدىمۇ كومپيۇتېر گرافىك بۆلگىمىزگە ئوخشاش كۆلەم ۋە سىستېمىنى شەكىللەندۈرەلەيمىز. چۈنكى كۆلەم بىلەن سىستېما بىزنىڭ بۇ ساھەدە مۇۋەپىقىيەت قازىنىدىغان چىقىش يولىمىز.<div><br></div> يۇمشاق دېتال بۆلۈمىمىزنىڭ كۆلەملىشىشى ۋە سىستېمىلىشىشى- ئىچكى ۋە تاشقى يۇمشاق دېتال تەتقىقات تۈرلىرى ئېھتىياجىمىزدىن باشقا يەنە كەلگۈسىدە ئىشلەنمەكچى بولغان، يۇمشاق دېتال ۋە كومپيۇتېر گرافىك خىزمەتلىرىمىزنىڭ كېسىشىش نوقتىسى - ئۈچ ئۆلچەملىك ئىنتېرەكتىۋ يۇمشاق دېتال تۈرلىرىمىز ئۈچۈنمۇ ئىنتايىن مۇھىم. <div><br></div> ئېنىقكى كىشىلەرنىڭ تۇرمۇشى سەنئەت بىلەن تېخنىكىنىڭ بىرگەۋدىلەشكەن شەكلىدىن ئايرىلالمايدۇ. يالغۇز كىنو ۋە تېلېۋىزىيەنى ۋاستە قىلىدىغان مەزمۇن ئىستىمالچىلىرىدىن باشقا يەنە تېز سۈرئەتتە كۆپىيىۋاتقان ئىنتېرنېت ۋە مىلىيارتتىن ئارتۇق يانفون ئىشلەتكۈچىلىرىمۇ نۇرغۇن مەزمۇنلارنى كۆرۈشكە ئېھتىياجلىق. ئۇلار ئۈسكۈنىلىرىدە گرافىك مەزمۇنلارنى كۆرۈشكە ئېھتىياجلىق، قوللىنىش يۇمشاق دېتاللىرى ۋە ئېلكترونلۇق ئويۇنلارغا ئېھتىياجلىق..<div><br></div> بىز بۇ ساھەدىكى بۇرچىمىز بىلەن بىرگە يەنە دەل مۇشۇ غايەت زور ئېھتىياج ۋە يۈزلىنىشنى نىشان قىلىپ كومپيۇتېر گرافىكىنى ئاساس قىلغان كۆلەم بىلەن سىستېمىنى شەكىللەندۈرىمىز، ھەمدە يۇمشاق دېتال بۆلۈمىمىز ئارقىلىق بۇ كۆلەمنى باشقۇرىدىغان يۇمشاق دېتال قۇرۇلمىسى، تۈر باشقۇرۇش سىستېمىلىرىمىز ئۈچۈن ئىچكى قىسىمدىكى تەتقىقاتلارنى ئېلىپ بارىمىز .<div><br></div> كەلگۈسىدىكى مىلىياردلىغان ئىستىمالچىلارنىڭ كۆرىدىغان مەزمۇنىنى ئىشلەپچىقىرىش بىلەن بىرلا ۋاقىتتا ئىشلىگەن جانلاندۇرۇم فىلىملىرىمىز، فىلىمدىكى باش قەھرىمانلارنى، ۋەقەلەرنى مەركەز قىلغان سىن ئويۇنلىرىمىز ۋە ئويۇنچۇقلىرىمىز، بۇلارنى ئىشلەش جەريانىدىكى زۆرۈر يۇمشاق دېتاللارنى ئىشلەپچىقىرىشنى باغلانما قىلغان تىجارەت مودىلىمىزنى بەرپا قىلىپ چىقىمىز.<div><br></div> بۇنىڭ ئۈچۈن شىركەتتە كومپيۇتېر گرافىكى ۋە يۇمشاق دېتال بۆلۈمىدىن ئىبارەت ئىككى مۇستەقىل ھەم بىر-بىرىنىڭ خىزمەتلىرىنى زور دەرىجىدە ئىلگىرى سۈرىدىغان بۆلۈمنى قۇرۇپ چىقتۇق.<div><br></div> يەنى كومپيۇتېر گرافىك بۆلۈمىدىكى گرافىك خىزمەتخانىسى گرافىك مەھسۇلاتلىرىنى ئىشلەپچىقىرىش ۋە گر افىك تۈرلەرنىڭ تەتقىقات خىزمەتلىرى بىلەن شۇغۇللىنىش بىلەن بىرگە ئىشلەتكۈچىلەر يۈزى ۋە ئىشلەتكۈچىلەر تەسىراتىغا مۇناسىۋەتلىك قىسىملىرىنى لايىھىلەپ يۇمشاق دېتال بۆلۈمىنىڭ خىزمەتلىرىگە ھەمدەمدە بولىدۇ. گرافىك تەجرىبىخانىسى يەنى گرافىك سىنىپى گرافىك خىزمەتخانىسى ئۈچۈن ئۈزلۈكسىز تالانتلىق خادىملارنى تەربىيىلەپ چىقىدۇ. رەقەملىك فىلىم ۋە ئاۋاز تەجرىبىخانىسىدىن خادىملىرىمىز ۋە ئوقۇغۇچىلىرىمىز ئورتاق پايدىلىنىپ مۇناسىۋەتلىك رىئال تەجرىبىلەرنى ئىشلىيەلەيدۇ.<div><br></div> يۇمشاق دېتال تەجرىبىخانىمىز يۇمشاق دېتال مەھسۇلاتلىرىنى ئىشلەپچقىرىش ۋە تەتقىقات خىزمەتلىرى بىلەن شۇغۇللىنىش بىلەن بىرگە گرافىك تۈرلىرىنىڭ تەتقىقات ۋە ئانالىز بۆلەكلىرىگە ياردەملىشىدۇ. يۇمشاق دېتال تەتقىقاتچىلار سىنىپىمىز بولسا يۇمشاق دېتال خىزمەتخانىمىز ئۈچۈن تالانتلىق خادىملارنى تەربىيىلەپ چىقىدۇ. ئۇچۇر-تېخنىكا بۆلۈمى شىركەتنىڭ ھەرقايسى بۆلۈم، گۇرۇپپا ۋە خادىملىرىمىز ئارىسىدىكى ئۇچۇرلاشتۇرۇش ۋە تورلاشتۇرۇش خىزمەتلىرىمىزگە كاپالەتلىك قىلىدۇ. ھەرقانداق زىيارەتچى ئېچىۋېتىلگەن تەسىرات مەركىزىمىزدە ئالما، مىكروسوفت يۇمشاق دېتاللىرى ۋە ۋاكوم سىزىش تاختىسى سىناپ ئىشلەتسە ۋە بۇ ئوخشىمىغان مەشغۇلات سۇپىسىدا ئۆز پروگراممىلىرىنى قاچىلاپ تەجرىبە ئېلىپ بارسا بولىدۇ. <div><br></div> دىمەك بىز كومپيۇتېر گرافىكى ۋە يۇمشاق دېتال تەتقىقاتىنى تەڭ ئېلىپ ماڭىمىز ۋە مەھسۇلاتلارنى ئىشلەپچىقىرىمىز. ئىچكى تەربىيىلەش سۇپىمىز ۋە مېتودىمىز ئارقىلىق ھەمكارلىقتىكى سىستېمىدا خىزمەت قىلالايدىغان خادىملارنى يىتىشتۈرۈپ چىقىپ، كېيىنكى كۆلەملىشىش ئېھتىياجىمىزنى كاپالەتكە ئىگە قىلىمىز. <div><br></div> ھەرقانداق بىر تەشكىلى قۇرۇلمىنىڭ بىر يادرو قىممەت قارىشى ۋە ئۆلچىمى بولىدۇ. بىزنىڭ يادرو ئۆلچىمىمىز بىزنىڭ غايىمىزنى، ئىدىيىلىرىمىزنى، روھىمىزنى ئۆز ئىچىگە ئالغان. بىز دەل مۇشۇ يادرو ئۆلچەم ئاساسىدا شىركەتنىڭ قاتتىق دېتال قۇرۇلمىسى ۋە خىزمەت ئېقىمى رامكىسىنى بىكىتىپ چىقتۇق. بۇ قاتتىق ۋە يۇمشاق ئېلېمېنتلار ئاساسىدا تالانتلىق خادىملار بىلەن ئورتاقلىشىپ تېخنىكا قاتلىمىنىڭ سىستېمىسىنى تۈزۈپ چىقتۇق.بۇ سىستېما ئارقىلىق تەتقىقات، ئىشلەپچىقىرىش، تېخنىكا مۇلازىمىتى ۋە تەربىيىلەش بىرگەۋدىلەشكەن ئاساسىي ئىجرائىيە مودىلىنى شەكىللەندۈردۇق.<div><br></div> بۇ خىل ئايلانما ئىجرا مودىلى ئارقىلىق ئۆزىمىزنىڭ يۇمشاق ئىقتىدارىمىزنى جارى قىلدۇرۇش بىلەن بىرگە، تەشكىلى قۇرۇلما، خىزمەت ئاقمىسى ۋە تېخنىكىمىزنى، بىلىم-مۈلكىمىزنى باشقۇرۇش ۋە پايدىلىنىش ئىقتىدارىمىزنى ئەڭ يوقۇرى سەۋىيەگە يەتكۈزىمىز.<br> دۇنيادىكى بارلىق كۈچلۈك ئۇچۇر تېخنىكا كارخانىلىرىنىڭ مۇۋەپىقىيەتلىرى كوللىكتىپ ئەقىل پاراسىتىنىڭ سىستېمىلىق توپلاشتۇرۇلغان نەتىجىسى ئارقىلىق بارلىققا كەلگەن.<br> خۇددى شۇنىڭدەك مۇنتىزىم تەربىيىلەنگەن تالانتلىق خادىملار ، بىزنىڭ قاتتىق-يۇمشاق دېتال مۇھىتىمىز ۋە ئەڭ مۇۋاپىق تۈر باشقۇرۇش ئۇسۇلىمىزدا ھەمكارلىشىپ خىزمەت قىلالايدىغان كوللىكتىپنى شەكىللەندۈرگەن.<br>ھەممەيلەنگە ئايان بولغىنىدەك "تاللاش تىرىشچانلىقتىن مۇھىم، تۈزۈلمە تېخنىكىدىن مۇھىم"، بىز بۇ يەردىكى "تاللاش"، "تىرىشچانلىق"، "تۈزۈلمە" ۋە "تېخنىكا" دىگەن تۆت ھالقىلىق سۆز بويىچە ئۆزىمىزگە باھا بىرىپ باقايلى.<br>"تاللاش" - مېنىڭچە بىز توغرا تاللىدۇق. پۈتۈن دۇنيا ئېھتىياجلىق ۋە ئۆزىمىزنىڭ سۆيىدىغان كەسپىمىزنى تاپتۇق.<br>"تىرىشچانلىق" - بىز يېتەرلىك تىرىشچانلىق كۆرسەتتۇق. بىز تېخىمۇ كۆپ تىرىشچانلىق كۆرسىتىمىز ۋە كۆرسىتەلەيمىز. خىزمەت ۋە بىرلىك ۋاقىتتىكى ئىش مىقدارىمىزنى تېخىمۇ يوقۇرى كۆتۈرىمىز. <br>"تېخنىكا" - مۇنەۋۋەر كوللىكتىۋىمىز ئەڭ نازۇك ۋە ھالقىلىق تېخنىكىلارنى ئىگىلىيەلەيدۇ ۋە ھەل قىلىش ئۇسۇللىرىنى تېپىپ چىقالايدۇ.<br>"تۈزۈلمە" - بىز 2008-يىلىدىن باشلاپ ئەسلىدىكى تەتۈر پىرامىدا شەكىللىك تۈزۈلمە سىستېمىمىزنى ئوڭ پىرامىدا شەكلىگە ئۆزگەرتىپ چىقتۇق. بۇ خىل تۈزۈلمە سىستېمىسىدا بىزنىڭ ئەڭ كۆڭۈل بۆلىدىغىنىمىز "مەن قانداق مەنپەئەتكە ئېرىشىمەن" ئەمەس، بەلكى "بىز قانداق تارىخنى يازدۇق". بۇنداق بولغاندا قارلۇقتىكى ھەربىر خادىم شىركەتنىڭ ئىگىدارلىق ھوقۇقىغا ئېرىشەلەيدۇ. بۇ قارلۇقنىڭ "پايچىكلار پىلانى". ئارقىلىق ئەمەلگە ئاشىدۇ.<div><br></div> بىز مەھسۇلات ۋە تەتقىقات نەتىجىلىرىمىز ئارقىلىق دۇنيا بىلەن تۇتىشىدىغان بىر ھەل قىلىش چارىسىنى تېپىشىمىز كېرەك. بۇ ھەل قىلىش چارىسى قارلۇقنىڭ ئۇزاق مۇددەتلىك سەپىرىدە ناھايىتى ئاكتىپ روللارنى ئوينىشى، يالغۇز كۆلەملىشىش ئېھتىياجى بىلەنلا ئەمەس بەلكى بىزنى ئاساسى ئېقىم بىلەن باراۋەر رىقابەت پۇرسىتىگە ئىگە قىلالىشى كېرەك. <br>بىز بىر ئۇسۇلنى تاپتۇق. بۇ ئۇسۇلنى "دەريا ساھىلى پىلانى" دەپ ئاتىدۇق.<br>سۈنزى - "تەييارلىق 10 ھەسسە پۇختا بولسا، غەلبە قىلىش ئېھتىماللىغىمۇ 10 ھەسسە يوقۇرى بولىدۇ. رىقابەتچى 10 ھەسسە كۈچلۈك بولسا، ئۇنىڭ رىقابەتچىسىمۇ 10 ھەسسە كۈچىيىشكە قاراپ يۈزلىنىدۇ." دىگەن ئىكەن. كۈچلۈك رىقابەت مۇھىتى كۈچلۈك تارقىتىش ئىقتىدارىنى ھازىرلىغان بولىدۇ. ئۇخىل مۇھىتتىكى مەھسۇلات ۋە مەدەنىيەت ئەندىزىلىرى ئىگىز بېنادىن تاش تاشلىغانغا ئوخشاش تەبئىيلا بېنا ئاستىغىچە يىتىپ بارىدۇ. بىزنىڭ مەھسۇلات ۋە ئەندىزىلىرىمىز بولسا بېنا ئاستىدىن ئۈستىگە تاش ئاتقانغا ئوخشاش ناھايىتى كۆپ كۈچ سەرىپ قىلساقمۇ يەنىلا ئۆزىمىزگىلا تارقىلىۋاتىدۇ. ھىس قىلىپ تۇرۇپتىمىزكى بۇ خىل ھالەتنى ئۆزگەرتىش ئۈچۈن پۇختا، كۈچلۈك ۋە مۇنتىزىم ھالىتىمىز بىلەن كۈچلۈك رىقابەت مۇھىتىغا كىرىشىمىز كېرەك. قارلۇق ھازىر ئۈرۈمچىدە سىلەر كۆرگەن خىزمەت مۇھىتى ۋە كۆلىمىنى بەرپا قىلىپ چىقتى. بۇ يىل ئىچىدە شاڭخەيدە "قارلۇق (شاڭخەي) شىركىتى" قۇرۇلىدۇ. <br>بىز يەنە ساھە ئىچىدە ئۆزىمىزنىڭ مۇكاپاتىنى تەسىس قىلىشىمىز كېرەك. بىز بىلىدىغان نادىر مۇكاپاتلاردىن نوبىل مۇكاپاتى بار. كومپيۇتېر كەسپى ئىچىدىكى ئەڭ شۆھرەتكە ئىگە مۇكاپات تيۇرىڭ مۇكاپاتى بار. ھەربىرىنىڭ ئايرىم-ئايرىم 250 مىڭ دوللار ئەتراپىدا. بىز تەسىس قىلىدىغان مۇكاپاتنىڭ مىقدارىنىمۇ قوزغىتىلىشىدىنلا ئېنىق كاپالەتكە ئىگە قىلىشىمىز كېرەك. بىز تەسىس قىلغان مۇكاپاتنىڭ ئىسمى "قارلۇق مۇكاپاتى"، ئومۇمىي مۇكاپات قىممىتى 500 مىڭ سوم.<br>"قارلۇق مۇكاپاتى" - كومپيۇتېر گرافىكى ۋە يۇمشاق دېتالدىن ئىبارەت ئىككى چوڭ كاتىگورىيىگە ئايرىلىدۇ. كومپيۇتېر گرافىكى تۈرىدىكى مۇكاپات ئاسمان مۇكاپاتى، زىمىن مۇكاپاتى، دېڭىز مۇكاپاتىدىن ئىبارەت ئۈچ دەرىجىگە ئايرىلىدۇ. يۇمشاق دېتال تۈرىدىكى مۇكاپاتلار قۇياش مۇكاپاتى، ئاي مۇكاپاتى ۋە يۇلتۇز مۇكاپاتىدىن ئىبارەت ئۈچ دەرىجىگە ئايرىلىدۇ.<br>قارلۇق مۇكاپاتىنىڭ تارقىتىلىش دائىرىسى ھازىرچە قارلۇق خادىملىرى ۋە ئوقۇغۇچىلىرى ئىچىدە بولىدۇ. كېيىنچە قارلۇقنىڭ كۇلۇب ئەزالىرى ۋە تەجرىبىخانا ئەزالىغا كېڭەيتىلىدۇ. يېقىن كەلگۈسىدە رايونىمىزدىكى بارلىق كىشىلەر بۇ مۇكاپاتنىڭ تارقىتىلىش دائىرىسىگە كىرىدۇ.<br>"ھەربىر بىلىمداردىن ئۈستۈن يەنە بىر بىلىمدار بار"، بىز توختىماستىن يېڭى ئۆزگىرىشلەرنى بارلىققا كەلتۈرۈشىمىز، كومپيۇتېر گرافىكى ۋە يۇمشاق دېتال ساھەلىرىدە ئېكولوگىيىلىك تەڭپۇڭلۇقنى بارلىققا كەلتۈرىشىمىز ئۈچۈن ئۆز ساھەسىدىكى بىلىمدار كىشىلەرنى بىزنىڭ كومپيۇتېر ئىشلىرىمىزغا يېتەكچىلىك قىلىشقا ۋە ياردەملىشىشكە تەكلىپ قىلدۇق.<div><br></div> يۇمشاق دېتال ساھەرىمىزنى خەلقئارالاشتۇرۇش ئۈچۈن نۇرغۇن يۇمشاق دېتال ئىنژىنىرلىرىنى يوقۇرى سەۋىيىلىك تەتقىقات ئورۇنلىرىدا، ناھايىتىمۇ يوقۇرى ئىستىماللىق جايلاردا تەربىيىلەشكە ئېھتىياجلىق بولىمىز. بۇنىڭغا ناھايىتى كۆپ كۈچ، ئۇزاق ۋاقىت كېتىدۇ. ئۇنىڭ ئۈستىگە كۈچ بەكلا پارچىلىنىپ كېتىدۇ. بۇ خۇددى ئەپەندىمنىڭ تۆگىلەرنى دەرەخكە ئېلىپ چىقىپ غىزالاندۇرغىنىغا ئوخشايدۇ. بىز قانداق قىلىپ دەرەختىكى مىۋىلەرنى تۆگىلەر ئالدىغا ئەكەپ بېرەلەيمىز؟ قانداق قىلىپ مۇشۇ يەردە تۇرۇپ، تېخىمۇ كۆلەملەشكەن يۇمشاق دېتال ئىنژىنىرلىرى كوللىكتىپىنى تېخىمۇ ياخشى ئۈنۈم ۋە يوقۇرى ساپا بىلەن يىتىشتۈرۈپ چىقالايمىز؟ دەل مۇشۇ ئېھتىياج بىزنى يۇمشاق دېتال بۆلۈمىمىز ئۈچۈن يېڭى بىر يول ئېچىش كېرەكلىكىنى ئۇقتۇردى. بىز يۇمشاق دېتال تەتقىقاتچىلىرى سىنىپىمىز ئۈچۈن مىۋىلەرنى ئۈزۈپ كەلمەكچى - ئەڭ مۇۋاپىق ۋە ئىلغار ئىنژىنىرلارنى تەكلىپ قىلماقچى بولدۇق. بۇ خىزمەتلەرنى ئىلگىرى ئالما شىركىتىنىڭ خەلقئارا تەتقىقاتچىلار ئالاقىسى بۆلۈمىدە ئالتە يىل خىزمەت قىلغان دۇەنمۇ خېڭ ئۈستىگە ئالدى. دۇەنمۇ ئىلگىرى ئالما شىركىتىدە خىزمەت قىلاتتى. ئەمدى قارلۇق شىركىتىدە خىزمەت قىلىدۇ.<div><br></div> بىزنىڭ كومپيۇتېر گرافىكى بۆلۈمىمىزدە گرافىك بۆلۈم دېرىكتورى - قارلۇق شىركىتىنىڭ مۇئاۋىن لىدىرى ۋە كومپيۇتېر گرافىكى باش تېخنىكا دېرىكتورىدىن ئىبارەت ئىككى يېتەكچى بار. بىز بۇ خىل ئوخشاش قۇرۇلمىنى يۇمشاق دېتال بۆلۈمىگە تەدبىقلايمىز. يۇمشاق دېتال بۆلۈمىمۇ ئوخشاشلا يۇمشاق دېتال بۆلۈمى دېرىكتورى ۋە يۇمشاق دېتال باش تېخنىكا ئەمەلدارىدىن ئىبارەت ئىككى يېتەكچىگە ئېھتىياجلىق. بىزنىڭ يۇمشاق دېتال باش تېخنىكا دېرىكتورىلىق خىزمىتىنى دوكتۇر دىلشات ھېۋزۇللا ئۈستىگە ئالىدۇ.<div><br></div> بىزنىڭ ئۇچۇر سىستېمىمىز خادىملار ۋە ئوقۇغۇچىلار ئورتاق پايدىلىنىدىغان بىلىم ئامبىرى. بىز يۇمشاق دېتال تەتقىقاتچىلىرى سىنىپىمىزغا 30 ئوقۇغۇچى، كومپيۇتېر گرافىك سەنئىتى سىنىپىمىزغا يەنە 50 ئوقۇغۇچى قوبۇل قىلىمىز. بۇ ئوقۇغۇچىلار خادىملىرىمىز بىلەن بىللە قارلۇقنىڭ تەتقىقات ۋە كونكىرت تۈرلىرىدىن ئورتاق بەھرىمەن بولىدۇ.<div><br></div> ئالان كېي "كەلگۈسىنى مۆلچەرلەشنىڭ ئەڭ ياخشى ئۇسۇلى - كەلگۈسىنى يارىتىش" دىگەن ئىكەن. بىز مۇۋەپىقىيىتىمىز بىلەن بىرگەۋدىلەشكەن غايىمىزنى تاپتۇق. كەلگۈسىنى ساقلاشقا تاقىتىمىز يوق، ئۇنى ھازىرلا ياراتساق دەيمىز. بۇنى ھەمكارلىق، مۇھەببەت، توغرا تەپەككۈر ئۇسۇلى ۋە بۇرچ ئارقىلىقلا يارىتالايمىز. رەھمەت.<div><br></div><div style="text-align: left;"><span class="Apple-style-span" style="font-size: small;">-</span><span class="Apple-style-span" style="font-size: small; ">-</span><span class="Apple-style-span" style="font-size: small; ">-</span><span class="Apple-style-span" style="font-size: small; ">-</span><span class="Apple-style-span" style="font-size: small; ">تۇنجى "قارلۇق پەسلى" دە سۆزلەنگەن نۇتۇق</span></div> 11 Nov 2010 01:25:47 GMT